Drie verdagtes tussen die ouderdomme van 39 en 42 verskyn vandag in die Bray rondgaandehof op aanklag van renosterstropery.

Die verdagtes is Sondag (22 Januarie) op ‘n wildplaas in Mokopong in hegtenis geneem. Volgens Brig. Sabata Mokgwabone, polisewoordvoerder, is die polisie na die plaas ontbied nadat  ná ‘n dooie renoster waarvan twee horings verwyder is gevind is. Die polisie in samewerking met veldwagters die verdagtes se spoor begin. Uiteindelik het die span die verdagtes se voertuig gesien waarna hulle drie Mosambiekse mans arresteer het.  ʼn Vuurwapen en twee renosterhorings is in die verdagtes se besit gekry.

Die Noordwes Provinsiale Kommissaris, lt-gen. Baile Motswenyane het die polisie en veldwagters vir hul spanwerk geprys.