Wyk 12 komitee moet gekies word

Nuwe komiteelede vir die Wyk 12 munisipale wyk sal tydens ’n  vergadering op 14 Desember gekies word.
Die funksie van die komitee is om voorstelle of klagtes te identifiseer en dit dan onder die wyksraadslid (in die geval rdl. Saal de Jager) se aandag te bring.
Die voorstelle en klagtes word dan op die portefeuljekomitee vergaderings bespreek en kan dan deur die raad goedgekeur word.
Hierdie is die enigste wettige manier om verandering aan te bring.
Mense word genooi om inividue te identifiseer wat belangstel om ’n  verskil te maak in wyk 12 en betrokke te wees.
Die vergadering van 14 Desember vir die kies van die komitee sal plaasvind om 17:00 in die skoolsaal van Hoërskool Parys.
Inwoners van ander munisipale wyke is ook welkom om die vergadering by te woon. Kom maak ’n  verskil in jou dorp!