Pasop, Potch het nou dierepolisie
Hoeveel keer het jy al gewonder wie om te kontak wanneer jou buurman se hond die hele aand geraas maak? Of wanneer mense se honde onbeheerd in die straat rondhardloop? Wel, is nou amptelik Potch se dierepolisie. Hulle inspekteurs is onlangs deur die munisipaliteit as vredesbeamptes aangestel. In kort beteken dit dat die inspekteurs nou by magte is om munisipale bywette op oortreders af te dwing. “Alhoewel ons alle bywette kan afdwing, is daar vir ons gevra om net te hou by diere bywette,” sê Andries Venter, bestuurder van Paws. Paws het nou ’n behoorlike vrag hooi op hulle vurk.
Hoeveel keer het jy al gewonder wie om te kontak wanneer jou buurman se hond die hele aand geraas maak?
Of wanneer mense se honde onbeheerd in die straat rondhardloop? Wel, is nou amptelik Potch se dierepolisie.
Hulle inspekteurs is onlangs deur die munisipaliteit as vredesbeamptes aangestel.
In kort beteken dit dat die inspekteurs nou by magte is om munisipale bywette op oortreders af te dwing.
“Alhoewel ons alle bywette kan afdwing, is daar vir ons gevra om net te hou by diere bywette,” sê Andries Venter, bestuurder van Paws.
Paws het nou ’n behoorlike vrag hooi op hulle vurk.
Behalwe vir die normale dieremishandeling-klagtes wat hulle steeds na omsien en die rondloper honde wat hulle vir die munisipaliteit moet skut, kan hulle ook nou geskakel word vir steurnis klagtes waar diere geraas maak.
Die inspekteurs is nou ook by magte om boetes uit te reik vir oortreders wat hulle honde nie stilmaak nie.
Daar is ’n hoop bywette wat met diere te doen het waarvoor Paws nou kan boetes uitreik.
“Ons kan nou boetes uitreik vir mense wat hulle diere toelaat om onbeheerd in die pad te loop.
Mense wie se diere in die straat loop en ’n gevaar vir die verkeer inhou, kan ‘n boete van tot R 1 750 opgelê word,” vertel Venter.