Tiny pas gekry

Tiny, die mak rooikatwyfie is pas gekry. Die Sacks-gesin wat sedert Maandagaand onverpoosd na haar gesoek het, het nie woorde gehad om hul dankbaarheid te betuig nadat die publiek gereageer het op die berigte in Parys Gazette en ook op die koerant se webtuiste en Facebook-blad. Tiny het Maandagaand weggeraak van haar huis op die h/v Delver- en Vierdelaan. Sy is die afgelope 7 maande deel van die Sackse se huishouding en haar verdwyning het groot hartseer gebring.

Searle Sacks vertel dat ‘n lid van die publiek op die berigte gereageer het en Tiny pas in Derdelaan gekry is. Dankie vir elkeen wat help soek het om haar weer met die familie te herenig.