Parysenaars wat gisteroggend (Donderdag 1 September) se gedeeltelike sonsverduistering rondom 11:00 misgeloop het, sal nou moet wag tot 26 Februarie 2017 wanneer daar weer ‘n gedeeltelike sonsverduistering sigbaar sal wees.
Suid-Afrikaners het in Desember 2002 laas ‘n algehele sonsverduistering in Musina gesien.
Hoewel sonsverduistering jaarliks iewers op die aarde waargeneem kan word is dit baie raar dat ‘n algehele verduistering op ‘n gegewe plek herhaal word.
Dit word gereken dat ‘n algehele sonsverduistering gemiddeld net elke 375 jaar van dieselfde plek af sigbaar sal wees.
Die volgende algehele sonsverduistering wat in Suid-Afrika sigbaar sal wees, is eers in 2030.
