Munisipale werkers van die Ngwathe munisipaliteit wat sedert verlede Donderdag staak oor ontevredenheid oor onregmatige verhogings vir sekere werkers het net na 10:00 vanoggend weer begin werk, sê DA-raadslid Saal de Jager.
Gazette het betroubaar verneem dat die verhogings oënskynlik deurgedruk is sonder dat die regte kanale gevolg is. Die DA sê sulke gedrag is onaanvaarbaar en moet op hoër vlak aangespreek word. Hoewel alle afdelings van die munsipaliteit nie aan die staking deelgeneem het nie, was dit meestal kantoorpersoneel wat veroorsaak het dat mense onder meer nie hul rekeninge kon betaal nie. Verskeie lesers het ook gister gekla oor die telefoonlyne wat nie geantwoord word nie.
Die munisipale woordvoerder, mnr. Steve Naale is gevra om ‘n mediaverklaring oor die staking beskikbaar te stel. Lees volgende week meer in Parys Gazette.
