Verteenwoordig SA in Florida en Portugal

Hoewel Dregan Brink dalk nog baie klein is, het hierdie jong man verseker geen klein prestasie die afgelope skoolvakansie behaal nie. Hy het derde geeïndig in die Triathle met sy tyd wat vinnig genoeg was dat hy gekies is vir die SAMPA-span wat Suid-Afrikan gaan verteenwoordig in Florida in Amerika in Oktober. Hy was ook vierde in die Laser Run en is ook deel van die SAMPA-span wat Suid-Afrika in Lisbon, Portugal in Augustus gaan verteenwoordig. Dregan kan dus met sy junior Springbok-kleure spog. Saam met Dregan het Diaan Brink, Jané Esterhuizen en Cileaan Strong ook die vakansie vir die Gauteng Biathle-span aan die SA kampioenskappe deelgeneem. Hulle is almal leerlinge van Parys Primêre skool.