FAK herdenk Slag van Paardeberg met skyngeveg
Hierdie geveg is nog nooit in die 123 jaar van die gebeurtenis herdenk nie
Die Federasie van Afrikaanse Kultuurvereniginge (FAK) se kultuurnetwerke het op 24 Junie ’n skyngeveg op Udolpho Rivierplaas net buite Parys in die Vrystaat aangebied. Dié skyngeveg is ter herdenking van die Slag van Paardeberg, wat tydens die Anglo-Boereoorlog (ABO) plaasgevind het en bekend is as ’n groot nederlaag vir die Boerekommando.
Antonio Claassens met Jao Jansen in die middel en Jan-Danie Malan heel regs by die Boerelaer.
“Hierdie geveg is nog nooit in die 123 jaar van die gebeurtenis herdenk nie,” verduidelik Jan-Danie Malan, kultuurkoördineerder Sentraal van die FAK. “Ons wil graag onbekende en ongewilde veldslae uitvoer en so vir mense die geskiedenis leer.”
Jason Strydom as kapt. Danie Theron.
Die FAK se Vaal- en Parys-Kultuurnetwerke het, tesame met die Dundee Diehards en die Gideonsbende, die gebeure van die Slag van Paardeberg opgevoer, waar meer as 200 mense saamgedrom het om die skyngeveg te besigtig en aan deel te neem.
Die Britte.
Foto’s geneem deur Chilli PicNic Photography
