Groot blydskap vir Parys Primêr oor atlete-trots

Drie atlete van Parys Primêre skool het na afloop van die Vrystaat skole-atletiekkampioenskappe gekwalifiseer om aan die SA laerskole atletiekkampioenskappe in Pietermaritzburg deel te neem. Die kampioenskappe word van 19-21 Maart gehou.
Zuan van Riet sal die Vrystaat Provinsie by die kampioenskappe in nie minder nie as drie items verteenwoordig.
Hy neem deel aan die 75m hekkies, 150m hekkies, en aflos.
Inke Nortman sal haar provinsie en skool in verspring verteenwoordig, en Jaco van Wyk sal in beide die hoogspring- en verspring-items sy staal wys.