VLU-vroue sluit die jaar af met gesellige saamkuier en erkenning vir die jaar se projekte
Vir 2023 wag 'n baie interessante program, en is gaste welkom om die maandelikse VLU-byeenkomste by te woon.
Dit was ‘n besige jaar vir lede van die plaaslike Vroue Landbou Unie (VLU) tak waar baie geleer en hegte vriendskappe gesmee is. Verlede Dinsdag is daar vir oulaas vir 2022 saamgekuier by Stir Coffee House om die jaar behoorlik af te sluit.
Die beloning van prag handwerk skeppings van die afgelope jaar, was ook weer een van die hoogtepunte by die afsluitingsgeselligheid.
Vanjaar het Cynthia Bergh kon spog met die meeste punte by die VLU konferensie. Erna Hattingh ontvang toekennings vir haar bor- duurwerk, gebak, brei- en hekelwerk, preservering en tuiswerk. Sy het altesaam 21 artikels deur die jaar ingeskryf.
Bernadet van der Ende ontvang die trofee vir Handvlyt, en Annatjie Dreyer die trofee vir masjienwerk. Marietjie le Roux se Skryf-kuns, Fotografie, Skilderkuns en Blomme het aan haar ‘n welverdiende erkenning besorg.
Dinsdag is spesiaal dankie gesê vir elke VLU-lid se deelname deur die jaar.
Vir 2023 wag ‘n baie interessante program, en is gaste welkom om die maandelikse VLU-byeenkomste by te woon. Hou die Gazette dop vir meer besonderhede oor die maandelikse byeenkomste.
As jy graag by dié dinamiese groep vroue wil aansluit of meer inligting wil hê oor die VLU of die byeenkomste, skakel Annatjie Dreyer by 082 464 0204 of Bernadet v/d Ende by 082 474 0304
Maak ook solank ‘n nota van die VLU byeenkoms-datums vir 2023:
7 FEBRUARIE
7 MAART
4 APRIL
2 MEI
4 JULIE
1 AUGUSTUS
3 OKTOBER
7 NOVEMBER
VLU-wenk om ontslae te raak van lastige vlieë en muggies
