Erkenning vir Hoërskool Parys
Dr. Moletsi (die sirkelbe-stuurder van Sirkel 5) het die skool persoonlik besoek om sy gelukwense oor te dra en te groet
Tydens Fezile Dabi se Well done funksie vir skole se beheerliggame wat op 20 Mei in Kroonstad gehou is, het Parys Hoërskool nie minder nie as vyf toekennings verower.
Parys Hoërskool is vereer vir die volgende:
* Implementering van goeie finansiële bestuur
* Gesondheid, veiligheid en sekuriteit standaarde
* Uitstaande beleid vir skool funksionaliteit
* Onderhoud en infrastruktuur
* Uitnemende skoolbestuur
Dr. Moletsi (die sirkelbe-stuurder van Sirkel 5) het die skool persoonlik besoek om sy gelukwense oor te dra en te groet. Dr. Moletsi tree in Junie vanjaar af na 41 jaar diens in die onderwys.
Hy was vir die laaste 10 jaar die bestuurder vir Sirkel 5 (skole in Parys en Vredefort). Parys Hoërskool bedank dr. Moletsi vir sy positiewe insette en ondersteuning oor die jare en wens hom ‘n vreugdevolle aftrede toe.
