Kinderhartjies gee in oorvloed vir Epilepsie-sentrum nood

Kleuters van Parys Christelike Skool en Noag se Arkie het fluks kouse ingesamel om seker te maak inwoners van Epilepsie SA se Vrystaat/Noordwes-sentrum in Parys, bly warm hierdie winter.

Hierbenewens het Willow Achers Academy se leerders ook hul harte oopgemaak en nie-bederfbare voedsel vir die sentrum geskenk.

‘n Baie mooi gebaar van ons kinders om ook te help voorsien in die nood van hierdie sentrum wat nou meer as ooit die gemeenskap van Parys se ondersteuning baie nodig het.