Photo GalleriesSchool
Sterkte matrieks! Ons dink aan julle
Mag hierdie die kroon span vir jou op 12 jaar se toewyding
Matrikulante van 2021 van regoor die land het vanoggend, Woensdag 27 Oktober, met hul eindeksamen begin. Ons dink aan elkeen van ons matrikulante wat ten spyte van uitdagings te midde van inperking, hard gewerk het om tot hier te kom. Mag hierdie eksamen ook vir julle die kroon span op 12 jaar se harde werk en toewyding.
Parys Primêre skool se graad 1 leerlinge, wat in 2032 hul matriekeksamen sal aflê, het vanoggend in ‘n besondere mooi gebaar ook vir ons matrieks sterkte toegewens.
