Die Suid-Afrikaanse Jagters- en Wildbewaringsvereniging (SAJWV) Olienhout-tak in Parys het sy algemene jaarvergadering op 19 Februarie gehou, met ‘n ete daarna, geborg deur The Doors.
Deelname aan skietoefeninge sal vanjaar prioriteit aandag geniet. Ander projekte soos die opgradering aan die skietbaan sal ook aangepak word.
As vuurwapeneienaar hou dit voordele in om deel te wees van ’n erkende skietorganisasie. SAJWV is een van die grootste jagorganisasies in SA en spits hom nie net toe op die bevoegdheid van sy lede nie, maar is wildbewaring ook ‘n belangrike fokuspunt om te verseker dat die organisasie oordeelkundig na die jagbedryf omsien. Hulp kan ook verleen word om heraansoeke en aansoeke vir vuurwapenlisensies te vergemaklik. As jy wil betrokke raak besoek sajwv.parys.co.za. Die tak se bestuursvergaderings word op 4 Mei, 6 Julie, 7 September en 9 Nov. gehou. Klubskietdatums is: Langgeweer: 9 Mei, 11 Julie, 12 September, 14 November
Handgeweer: 7 April, 9 Junie, 4 Augustus, 6 Oktober
Daar word beplan om ook ń semi-outomatiese “AR” skietoefening te reël. Die datum sal later deurgegee word.
Stay in the know. Download the Caxton Local News Network App here.