![](https://images.caxton.co.za/wp-content/uploads/sites/116/2019/05/Mei-boeke-by-Lapa-2019.jpg)
![](https://vaalweekblad.com/wp-content/uploads/sites/119/2019/05/Mei-boeke-by-Lapa-2019.jpg)
LAPA-uitgewers het onlangs die titels van hul nuwe boeke wat hierdie maand vrygestel is, bekend gemaak. Lees gerus die onderstaande resensies… daar gaan beslis iets wees vir jou en al jou gesinslede.
Neem deel aan Vaalweekblad se weeklikse blokraaisels en staan ‘n kans om van dié boeke as pryse te wen.
Fiksie | Fiction
Smit Motors
Réney Warrington
Literêre fiksie
Druknaam: Wenkbrou
9780799394566
R285,00
Smit Motors is ’n moderne, plaaslike dorpsroman met intertekste in die wêreldliteratuur.
Petra Smit erf onverwags haar oupa se werkswinkel in ’n klein Vrystaatse dorpie. Daar is kopers wat tou staan vir die gebou, maar Petra gaan, heel nuuskierig, kyk na hierdie eiendom waarvan sy nie glad nie geweet het nie.
Daar aangekom, ontdek sy die erf vol motorwrakke wat aan die plaaslike slagter behoort. Die einste slagter is ook die buurman. Hy is ’n vroueslaner en skeep sy seun af, maar het kontant en staan gereed om Smit Motors te koop. Petra, wat baie lief was vir haar oupa, wil nie die erflating aan so iemand verkoop nie en ’n mini-oorlog breek uit.
Petra, eintlik ʼn stadsjapie, besef sy hoort nie in hierdie dorp nie. Sy mis haar mooi meisie en die roman wat sy wil skryf, bly tweede kom.
Dinge word nog moeiliker toe Arno, ’n reus van ’n man met die psige van ’n kind, aan haar deur kom klop. Arno word dan vriende met die slagter se seun, Monty.
Hierdie drie buitestaanders se diep menslike storie word vervleg met dié van Susan, ’n kunstenaar wat nie meer kuns maak nie en vasgevang voel in ’n luukse Sweedse kunstepark. Gaan sy kan vrede maak met die Afrikademone wat haar al veertig jaar lank jaag?
Vanuit die skaduwees hou Johanna, Monty se oppasser, alles met wantroue dop.
Smit Motors sluit by ’n internasionale tendens aan. Aan die einde van 2018 skryf Arthur van Amerongen in De Volkskrant ’n siniese stuk oor die moderne “dorpsroman” en “over de aantrekkingskracht van het Germaanse platteland op grootstedelijke Grünen-hipsters die op zoek gaan naar het verlorene – wat dat ook moge wezen”. Hy verwys ook na twee topverkopers: A Year in Provence (Peter Mayle) en Driving Over Lemons (Chris Stewart). Albei neem hy met ’n knippie sout.
Warrington skroom nie om die mooi én die lelik van ’n kleindorpse verblyf te wys nie. Sy laat nooit toe dat haar karakters net stereotipes word nie.
Die skrywer en regsgeleerde Bettina Wyngaard sê oor Smit Motors die volgende:
“Onthutsend, ontstellend, hartverwarmend: Smit Motors is ’n moetleesboek wat die leser nie sommer gou sal vergeet – of kan neersit – nie. Noem dit Afrikaanse fiksie se antwoord op Of Mice and Men, behalwe dat Warrington se skryfstyl uniek en uitsonderlik haar eie is. Hierdie eerste publikasie van Wenkbrou gaan meer doen as wenkbroue lig. Dit gaan harte vermurwe. Moenie loop nie. Hardloop. Gaan koop Smit Motors. Hierdie teks verdien ’n ereplek in elke boekrak.”
Johan Jack Smith, die uitgewer, sê: “So hoekom hoort die boek by Wenkbrou? Maklik. Die val buite genres. Die laat die leser vrae vra en dink as hulle die boek toemaak. Dit kyk anders na verhoudings. Dis oor randfigure.”
***
Petra Smit unexpectedly inherits her grandfather’s old workshop in a small Free State town. Fortunately, there are buyers queuing for the building, but Petra, curious, goes to look at her property – one she didn’t know of at all. Arriving there, she discovers the backyard full of car wrecks belonging to the local butcher. This butcher is also her neighbour, he beats his wife and abuses his son. Petra, who loved her grandfather dearly, does not want to sell the inheritance to such a person and a mini-war breaks out.
Smit Motors is highly accessible literary fiction. Réney Warrington manages to keep the tension tight, while the reader knows that someone’s blood will have to flow in this battle. The question is: whose blood will be shed first?
The Wall
Max Annas
Crime Thriller
Imprint: Catalyst Press
9781946395146
R245,00
The Pines, a gated community in East London, protects homeowners from crime. But nobody will protect the young man trapped behind its walls.Moses wants one thing: to get home where his girlfriend and a cold beer are waiting for him, but his car breaks down in an empty street with not a single human being in sight. Moses slips into The Pines, a gated community, hoping to find help from a university classmate who lives there. Over there, in the “white” world, everything seems calm, orderly, safe. But once inside, he feels more of an outsider than ever. Then he makes a terrible mistake.While The Wall touches on serious issues, it actually is an easy read with lots of laughs. Mistaken identities, racial profiling, and class politics form the backdrop of this intense thriller. Annas does not shy away from issues like gun violence and racism, but does so with humour. His characters bristle with life.Mike Nicol, author of Agents of the State and Sleeper, says of The Wall:
“The characters are wonderful, their antics more so, and, to top it all, the story is laugh-out-loud hilarious. Long have I suspected that this is how life plays out in South Africa’s gated communities. If you like your crime fiction fast and funny, then The Wall is your book.”
Max Annas used to live in East London, where he taught at the University of Fort Hare before returning to his homeland, Germany. He still visits South Africa regularly. With his debut, The Farm, he won the German Crime Fiction Prize in 2014. It is being filmed here in South Africa at present. The Wall is his second novel and was awarded the 2017 German Crime Fiction Prize.Annas is working on a third book with a working title entitled The City.
***
The Pines, ’n sekuriteitskompleks in Oos-Londen, beskerm die huiseienaars teen misdaad. Die probleem is: Niemand gaan die jong man beskerm wat agter daardie mure vasgekeer is nie.
Moses wil by die huis kom, waar sy vriendin en ’n koue bier vir hom wag.
Sy motor breek in ’n verlate straat. Hy glip in by The Pines, ’n sekuriteitskompleks, met die hoop om hulp te kry by ’n universiteitsvriend wat daar woon. Daar in die “wit” wêreld lyk alles kalm, ordelik en veilig. Die probleem is, Moses voel hier meer as ooit soos ’n buitestaander. Toe maak hy ’n verskriklike fout.
Rasprofilering en klaspolitiek vorm die agtergrond van hierdie intense riller. Annas skram nie weg van kwessies soos wapengeweld en rassisme nie, maar uiteindelik is The Wall tog ’n boek vol humor.
Mike Nicol, die skrywer van Agents of the State en Sleeper, sê: “As jy hou van krimi’s wat vinnig en snaaks is, dan is The Wall die boek vir jou.”
Max Annas het jare lank aan die Fort Hare-Universiteit in Oos-Londen klas gegee.
Lira
Chanette Paul
Druknaam: LAPA
Vrouefiksie
9780799394474
R340,00
Lira kan feitlik enige gebreekte ding mooi of bruikbaar maak, maar met liefdesverhoudings vaar sy minder goed, veral waar daar kinders betrokke is. Sy het geen benul hoe om ’n ma te wees nie. Tog het sy geglo sy sal iets kan uitwerk wat waarde toevoeg tot Frank en Debbie se lewe. Dit is immers wat sy vir ’n lewe doen: Sy neem ou goed en maak hulle nuut, nuttig en mooi.
Lira beland op Vywerbaai, waar sy ’n winkeltjie vir haar opsikleerprodukte wil oopmaak. Die finansiële risiko’s wat sy neem, is enorm en teenspoed bly nie uit nie, maar sy bly vasberade om ook haar eie lewe te kan opsikleer.
Daar is ’n legende wat almal op Vywerbaai ken: Ter wille van sy kinders sal ’n man sy taaibosspies deur ’n vywervrou se hart druk en haar visstert gaarmaak sodat die kinders kan eet. Lira neem die legende, opsikleer dit en maak dit die tema van haar winkel.
Deur harde werk wen sy die kosbare vriendskap van drie eiesoortige vroue en die respek van ’n vierde, maar dan verloor sy haar hart op die verkeerdste man denkbaar: Hy het ’n sterwende vrou en ’n kind wat Lira haat.
Gaan die waarskuwing in die legende Lira se hart aan flarde ruk? Nie as dit van haar en die sterk vroue om haar afhang nie! Soos haar vriendin Corali sê: “Ons vywervroue laat ons nie f*kken opvreet nie. Deur geen man, vrou of kind nie.”
Chanette Paul is self besig om legendaries te raak. Lira is die skrywer se 45ste boek en is die eerste van haar nuwe trilogie wat in 2019 sal verskyn. Soos Langenhoven van ouds skryf Chanette suiwer om te vermaak, maar daar is baie diepte in haar werk.
Lesers wat haar Maanschijnbaai-tweeluik verslind het, sal bly wees om te hoor dat die vroue van Vywerbaai dieselfde sterk eienskappe toon as die vier legendariese “Calitz-slette”.
***
Lira can turn nearly any broken thing into something pretty or useful, but relationships are beyond her, especially when children are involved. She has no inkling about being a mother. She ends up in Vywer Bay, where she wants to open a little shop to sell her upcycled products. The financial risks are enormous, but she remains determined – she will upcycle her life as well, no matter what.
Lira wins the precious friendship of three unique women and the respect of a fourth, but she loses her heart to the most unsuitable man imaginable – one nursing a dying wife and with a child who despises Lira.
Niefiksie | Nonfiction
Hekel en word heel
Nadia de Kock en Hilda Steyn
Niefiksie
9780799384840
R280,00
Hier is ’n hekelboek met ’n verskil. Vir die eerste keer in Afrikaans vertel vroue hoe hekel hulle deur moeilike en donker tye gehelp het. Die stories gaan oor verlies, werkverwante stres, depressie, siekte, die dood van ’n kind, asook emosionele en fisieke mishandeling.
Een-en-twintig dapper vroue maak hul harte oop en vertel hul aangrypende verhale van stryd en uiteindelike oorwinning. Al kan hul omstandighede nie verander nie, word die probleme deurgaans op ’n konstruktiewe en kreatiewe wyse hanteer.
Die boek bevat een-en-twintig verhale met een-en-twintig gepaardgaande projekte en patrone wat die leser kan help om stres of trauma te verwerk.
Die boek kan gesien word as die Afrikaanse hekelweergawe van die bekende fliek How to Make an American Quilt. Lesers wat Zakes Mda se Cion geniet het, sal ook hierby aanklank vind.
Entoesiastiese beginners sal geskikte patrone hier vind, en daar is verwysings na hulpbronne indien dit nodig sou raak.
Ons ontwerper het helder kleure ingespan; bont genoeg om die leser se dag mee op te vrolik.
Nadia de Kock Nadia is ’n skrywer van Johannesburg.
Hilda Steyn is ʼn ontwerper van Pretoria. Haar patrone word wêreldwyd geniet.
***
This is a handcraft book with the characteristics of a self-help book. It comprises twenty-one personal stories, each paired with a project and patterns that could help the reader cope with loss, work-related stress, illness or trauma. This book can be seen as the Afrikaans crochet version of the movie How to Make an American Quilt. Readers who enjoyed Zakes Mda’s Cion will also enjoy these stories.
100 beste blokraaie van 10 jaar!
Blokraaisels en speletjies
9780799393361
R160,00
Is jy verslaaf aan blokraaie? Dan is hierdie blokraaiboek vir jou! Dit is ’n bielie, ’n samestelling van die 100 beste kopkrappers uit blokraaiboeke wat voorheen deur LAPA gepubliseer is.
Slyp jou tande en maak jou potlood skerp! Die antwoorde is agter in die boek.
***
One hundred of the best crossword puzzles ever published by LAPA. Need we say more?
Kinderboeke | Kids’ books
Betsie, Meneer Tier en die blou maan
Sally Gardner
Illustrasies: Nick Maland
Kinderfiksie
Ouderdom 7+
9780799391121
R180,00
Betsie se lewe is fantasties. Haar pa is ’n roomysmaker. Hy maak die lekkerste roomys op aarde in elke geur waaraan jy kan dink. Haar ma is ’n meermin wat in die see bly en gereeld kom kuier.
Betsie het twee drome: Sy wens dat Meneer Tier se sirkus haar eiland sal kom besoek, en sy droom oor roomys wat van towerbessies gemaak word sodat al haar drome waar kan word wanneer sy daarvan eet.
Dan daag Meneer Tier en sy Goebelgop-sirkusakrobate op. Dit is die begin van ’n enorme avontuur. Saam met ’n getoorde padda, ’n eensame reus en haar ma en pa vertrek Betsie om die maan te gaan blou kleur en om towerbessies te soek. As hulle dít kan regkry, kan hulle ’n baie belangrike wens laat waar word …
Betsie, Meneer Tier en die blou maan is ’n vernuwende, moderne feëverhaal met ’n sterk vroulike hoofkarakter.
***
This delightful book is a modern-day fairy tale with a strong female lead.
Draakasem
Jaco Jacobs
Illustrasies: Linki Brand
Ouderdom 7+
9780799394122
R120,00
Darius se pa kan deur ’n rivier vol krokodille swem. Sy ma red ou tannies uit brandende geboue en sy kleinsussie skrik vir niks.
Darius? Hy is nie eens dapper genoeg om van die skool se duikplank af te spring nie.
Alles verander toe hy op ’n dag toe ’n baie vreemde present by sy oupa kry!
Jaco Jacobs se splinternuwe avontuurverhaal gaan oor bang wees en dapper wees, want in elkeen van ons is daar ’n draak wat ons kan help om ons vrese te oorkom.
***
Inside each of us there is a dragon. We just need to ignite the flame!
Drake en malvalekkers (Die Zinzi en Saffraan-reeks)
Asia Citro
Illustrasies: Marion Lindsay
Kinderfiksie
Ouderdom 7+
9780799392340
R135,00
In die eerste boek van dié reeks ontdek Zinzi ’n gloeiende foto en leer sodoende ’n groot geheim. Magiese diertjies wat beseer is, besoek Zinzi en Saffraan se skuur in die agterplaas op soek na hulp. Een van hulle is ’n babadraak. Sal hulle die drakie betyds kan help?
Hierdie unieke reeks boeke prikkel jong meisies se belangstelling in die wetenskap deur opwindende verhale oor magiese diere, monsters, avonture en raaisels te vermeng met interessante feite en wetenskaplike eksperimente.
***
This entire series helps young girls understand scientific facts through stories of magic, just right for their age!
Monsters en muf (Die Zinzi en Saffraan-reeks)
Asia Citro
Illustrasies: Marion Lindsay
Kinderfiksie
Ouderdom 7+
9780799392357
R135,00
Die skuur in Zinzi en Saffraan se agterplaas is ’n veilige hawe vir magiese diere wat beseer is. In die tweede boek in die reeks het Gorp, ’n bosmonster, hulp nodig. Gorp kry ’n bietjie skaam oor sy probleem, maar Zinzi verseker hom dat sy vinnig kan help. Wanneer Zinzi se eerste paar oplossings egter nie vir Gorp help nie, huil hy lang trane. Zinzi en Saffraan se hande is vol met ’n huilende monster terwyl hulle ook aan ’n goeie oplossing vir sy probleem probeer dink.
Zinzi is die speurder en wetenskaplike. In haar avonture word sy bygestaan deur haar getroue kat, Saffraan.
***
Zinzi is a budding scientist. She shares magical journeys with her wise cat, Saffraan.
Meerperdjies en borrels (Die Zinzi en Saffraan-reeks)
Asia Citro
Illustrasies: Marion Lindsay
Kinderfiksie
Ouderdom 7+
9780799392364
R135,00
In die derde boek van hierdie reeks ontdek Zinzi en Saffraan dat die meerperdjies van die stroom in groot gevaar is. Die twee maats moet vinnig aan ’n plan dink om die stroom, en die diere wat daarin woon, te help.
***
When the merhorses in the stream are in danger, Zinzi and Saffraan go to the rescue with science as their weapon.
Katjievlinders en ys (Die Zinzi en Saffraan-reeks)
Asia Citro
Illustrasies: Marion Lindsay
Kinderfiksie
Ouderdom 7+
9780799392371
R135,00
’n Groot sneeustorm veroorsaak in die vierde boek van die Zinzi en Saffraan-reeks baie moeilikheid vir die magiese diere wat in die woud bly. Zinzi en Saffraan probeer om die eiers van ’n katjievlinder te red, maar begaan ’n fout. Voordat die diertjies uitbroei, moet Zinzi en Saffraan hulle fout probeer regstel.
***
Severe snow causes mayhem in the woods and puts the eggs of a butterfly kitten at risk. Our intrepid team rushes in to help.
Paddas en plante (Die Zinzi en Saffraan-reeks)
Asia Citro
Illustrasies: Marion Lindsay
Kinderfiksie
Ouderdom 7+
9780799392388
R135,00
In hierdie boek ontvang Zinzi en Saffraan ’n besoeker, Pip, wat ’n gloeiende saadjie het. Die drie vriende moet vinnig uitvind wat die saadjie nodig het om te groei voordat dit te laat is.
***
When a magical seedling needs scientific help, there is only one team equipped to do so!
Towerponies en kieme (Die Zinzi en Saffraan-reeks)
Asia Citro
Illustrasies: Marion Lindsay
Kinderfiksie
Ouderdom 7+
9780799392395
R135,00
In die sesde boek van die reeks is daar ’n aardbewing wat Zinzi-hulle se huis laat skud. Is dit eerder ’n eenhoring-bewing? ’n Baie groot nuwe vriend daag met erge pyn by Zinzi en Saffraan op. Zinzi, haar ma en Saffraan moet spoedig ’n kuur bedink vir hierdie magiese vriend.
***
A massive unicorn will not survive unless our tiny scientist and her clever cat find a scientific cure for its ailments.
Pragtige piesangs
Elizabeth Laird
Illustrasies: Liz Pichon
Kleuterfiksie
Ouderdom 3+
9780799390520
R135,00
Tembi vat die pad deur die digte Afrikabos op pad na haar geliefde oupa toe. Sy het ’n tros pragtige piesangs wat sy as ’n spesiale geskenk vir hom wil gee.
Op pad verloor sy die piesangs en sy loop allerhande stoute diere raak – ’n kameelperd, apies, selfs ’n swerm bye … Sal sy op die ou einde vir haar oupa die pragtige piesangs kan gee?
Elizabeth Laird se slim, sirkulêre volksverhaal word pragtig aangevul deur Liz Pichon se helder illustrasies van Afrika en die kleurvolle diere wat hier bly.
Hierdie pragtige prenteboek is gegrond op ’n oorspronklike Oos-Afrika-volksverhaal.
***
This is a delightful, colourful and modern retelling of an East African folk tale.
Die beste toebroodjie
Jaco Jacobs
Illustrasies: Nicolene Louw
Kleuterfiksie
Ouderdom 3+
9780799394009
R140,00
Markus word in die middel van die nag wakker en is baie lus vir ’n lekker toebroodjie.
In die kombuis ontmoet hy ’n ysbeer en drie pikkewyne wat hom wil help. Hulle gaan saam die beste, briljantste bobaas-toebroodjie ooit maak.
Dit klink goed, nie waar nie? Wel, dit is, maar daar is ’n klein probleempie: Markus dink nie vissmeer en konfyt hoort saam op een broodjie nie! Sy helpers sien egter geen probleem daarmee nie.
Die beste toebroodjie, een van Jaco Jacobs se ou gunstelinge, word opnuut, watertandlekker met vars bestanddele voorgesit om die jongspan te laat gril van plesier.
Jaco Jacobs is die gewilde skrywer van talle bekroonde topverkoperboeke. Die stapel boeke is al amper soos hoog soos die beste toebroodjie wat nog ooit gemaak is. Hy woon in Bloemfontein saam met sy vrou, Elize, sy twee dogters, Mia en Emma, drie honde, ’n kat en ’n troetel-luislang. Die luislang dink hy kan pikkewyne in ’n toebroodjie sit, maar Jaco stem nie saam nie.
***
Markus wakes up. He is hungry! He sneaks into the kitchen to build a big sandwich. There he meets a bear and three penguins. Together they decide to build a gigantic, enormous, humungous, stupendous sandwich!
Romanza
Soet beloftes
Dina Botha
SuperRomanza
9780799394504
R240,00
Lezanne moet as rykmansdogter skielik, sonder geld en heenkome, as twee-en-twintigjarige op ’n vreemde dorp ’n nuwe bestaan maak as au pair.
Benjamin Streiger word onverwags die voog van sy oorlede broer se drie kinders. Hy het geen behoefte aan popspeel nie, en dis waar Lezanne betrek word.
Gou word sy lief vir die drie kinders in haar sorg, maar dis nie so maklik om dieselfde te doen met die ontoeganklike Benjamin nie.
Omdat Lezanne verstaan wat dit beteken om ’n ouer te verloor, tree sy uiters beskermend teenoor die kinders op – tot Benjamin se argwaan én heimlike vermaak.
Op hierdie manier wen Lezanne egter meer as net die kinders se harte. Saam met die leser sien sy hoe Benjamin geleidelik ontdooi teenoor die kinders en al hoe gemakliker raak in sy rol as kitspa.
Dan daag haar eksverloofde, Pieter Cronjé, op en hy lig haar in dat al haar finansiële probleme opgelos is. Sy kan terugkeer na haar lewe van gemak en rykdom. Sy vertel Benjamin; hy wend geen poging aan om haar te keer nie. Lezanne keer terug na Johannesburg, met Benjamin wat nie te lank neem om haar te volg nie.
Dina Botha se boeke is altyd vol humor. Hierdie teks vergelyk met oorsese boeke soos A Perfect Homecoming (Lisa Dyson) en Small-town Redemption (Beth Andrews).
***
He “inherits” his brother’s three children. She has to au pair them. He does not want children. Will she be able to make him love all four of them?
Altyd wink die liefde
Anna van Tonder
Romanse
9780799394535
R240,00
Altyd wink die liefde is ’n samestelling van drie van die immergroen Anna van Tonder se vorige Romanzas wat sy onder die skuilnaam Annetjie van Tonder geskryf het.
Nuwe seisoen: Ronel het nie verwag dat ’n geskeide vroue-adjunkhoof so ’n opskuddinkie op die klein dorpie sou veroorsaak nie. Boonop kies die nuwe skoolhoof, Frans Hugo, sommer die eerste dag al kant teen haar ná kwaadwillige praatjies. Sy en Frans Hugo het egter baie gemeen – albei is nuut in die skool, al twee is enkelouers, en hulle dogters is ewe oud. Die meisiekinders word sommer dadelik boesemvriendinne. Frans en Ronel moet mekaar dus ná skool ook sien, maar met omsigtigheid, want die skinderstories loop reeds.
Tussen twee vure: Die laaste ding waarna Helette kom soek het, is om aangestel te word as die au pair van ’n bedorwe kleuter, maar sy is bereid om enigiets te doen in haar soektog na haar halfsuster. Die kleuter se pa is ’n aantreklike dog beduiwelde professor. Terwyl die professor se jonger broer begin flikkers gooi, begin die buierige prof se oë raaksien wat hy vroeër misgekyk het.
Raaiselvrou: Emma arriveer op ’n gasteplaas om uiteindelik haar roman te skryf. Daar gekom, sê die eienaar dit is nie meer ’n gasteplaas nie – maar sy suster sê dit is. Uiteindelik kom sy wel daar reg, maar word gepla deur ’n kat wat op haar bed kom lê en die hond wat haar uitsoek vir aandag. Emma is glad nie ’n dieremens nie, maar die eienaar met sy sagte bruin oë is juis ’n dieremens, verknog aan sy hond en sy kudde Nguni-beeste.
***
Another one of our value-for-money Romanza compilations. Just add a warm bed!
’n Man vol verrassings
Elize Davies
9780799394351
R95,00
Ses jaar gelede het Mia-Mari ’n duur, pynlike les geleer: Agter Wynand se sjarme en sy aantreklike uiterlike skuil ’n agterbakse plannemaker wat nie vertrou kan word nie. Wat hy gedoen het, is onvergeeflik. Haar hart is immuun teen seerkry en sy durf nie toelaat dat hy weer deur haar skanse breek nie, maar Wynand het die mag om haar hart ’n tweede keer te vernietig.
Die onderliggende tema gaan oor hoe ver smart uitkring. Die heldin se broer is ’n dwelmverslaafde en -verkoper. Die held se suster gaan dood aan ’n oordosis dwelms wat sy by hom gekoop het.
***
Six years ago, Mia-Mari learned a painful lesson: behind Wynand’s charm and attractive appearance hides a conniving person that cannot be trusted. What he did was unforgivable. She is immune to hurt, but apparently Wynand still has the power to destroy her heart.
Liefde vir ’n feëprinses
Didi Potgieter
9780799394382
R95,00
Inge se nuwe werk as die Jouberts se au pair beteken sy hoef nie meer slapelose nagte oor finansies te hê nie. Sy sal niks doen wat dié standvastigheid kan bedreig nie.
Omdat sy haar tweelingsibbe van kleins af grootgemaak het, wen Inge gou Robbie se vertroue en liefde, en raak John ook teen sy sin besonder geheg aan haar. Inge het nie tyd of plek in haar lewe vir verhoudings nie, maar aangetrokkenheid tot haar baas, die aantreklike John Joubert, volg nie dié klousule nie en hy is nie by die werkskontrak ingesluit nie.
Liefde vir ’n feëprinses gaan oor ’n ouer suster wat ma vir haar jonger boetie en sussie moet wees. Ouerlose gesinne is ’n algemene maatskaplike probleem wat in Suid-Afrika voorkom.
***
Inge is going to work for John on his game farm as an au pair for Robbie. Because she had raised her brother and sister, twins, from a young age, Inge soon wins Robbie’s trust and love, and John also grows fond of her.
In sy stilte
Felicia Snyman
9780799394412
R95,00
Sashen en Olivia deel tydelik ’n meenthuis, maar sy bly vir hom ’n raaisel. Hy moet homself elke dag herinner om nie na haar te staar nie. Dit is nie net haar skoonheid wat hom gevange hou nie, maar haar kwesbaarheid.
Sy dra egter swaar aan die bagasie van haar verlede, onder meer die alzheimers wat haar ma geknak het, en wil nie vir Sashen ’n kans gee nie. Wie sê hy sal nie ook net weggaan as sy hom nodig het, soos haar stiefpa met haar ma gemaak het nie? Hoe kan sy enige man ooit vertrou?
Olivia moet besluit of sy dit wil waag: onvoorwaardelike liefde nóú of ’n leeftyd van vrees vir die onbekende.
***
Olivia shares a townhouse with the incredibly attractive Sashen, who also happens to be nice and a true gentleman. Olivia’s stubborn heart experiences joy when she sees him, but she carries baggage from the past and does not want to give Sashen a chance to win her heart. Who says he won’t just leave her when she needs him most, as her stepfather had done to her mother?
Ek vertrou jou
Ciska Olivier
9780799394443
R95,00
Yvonne se kêrel verdwyn oornag en sy arrogante maar onbehoorlik aantreklike broer, Kelvin, stel ondersoek in. Hy laat haar nekhare rys met sy aanname dat sy ’n opperste flerrie is.
Sy kan hom nie verdra nie, maar as hy die dag lus is, is hy sjarmant, begeerlik en laat hy haar hart in haar keel klop.
Ciska Olivier se boek speel in Namibië af. Haar beskrywingsvermoë skilder die roesrooi van dorre duine, die akwa lug en Namibiese kuswoestyn. Haar heldin het ook ’n buitengewoon hegte verhouding met ’n manlike randkarakter wat dien as “tolk” wanneer sy nie vir Kelvin verstaan nie.
***
Yvonne’s boyfriend disappears on New Year’s Eve and his brother, Kelvin, comes to investigate his disappearance. The man rubs her up the wrong way and continuously assumes the worst of her – why won’t he just trust her? She can’t wait for him to leave! Yet her heart is a traitor.