Nie minder nie as 120 baie opgewonde dames het Dinsdag die gholfkarretjies in ’n ry geparkeer gehad vir die Parys Ladies Golf Classic wat oor twee dae op die Parys Golf & Country Estate en Vaal de Grace gholfbane onderskeidelik gespeel is.
Danksy die oop hand van borge was daar weer vanjaar skitterende pryse. Die gholfdag wat bedoel is om dames gholf te bevorder, het oor die afgelope paar jaar meer as verdubbel in deelnemers, van ’n skamele 50 spelers wat aan die eerste gholdag deelgeneem het, tot die 120 vroue wat vanjaar ingeskryf het uit die Vrystaat, Noordwes, Gauteng en selfs Natal.
