Parys se rolbalspelers gereed vir naweek se kragmeting
Ná ’n baie teleurstellende vertoning deur die Parys-rolbalklub in die Noordwes Rolbal Parekampioenskap, toe geen span ’n seksie kon wen nie, is die klub nou behoorlik oorgehaal en gereed vir Saterdag se Noordwes Rolbal Driespel-kampioenskap wat op die bane van La Farge, PCC en Klerksdorp gespeel word. Parys het drie mansspanne en twee vroue spanne …
Ná ’n baie teleurstellende vertoning deur die Parys-rolbalklub in die Noordwes Rolbal Parekampioenskap, toe geen span ’n seksie kon wen nie, is die klub nou behoorlik oorgehaal en gereed vir Saterdag se Noordwes Rolbal Driespel-kampioenskap wat op die bane van La Farge, PCC en Klerksdorp gespeel word.
Parys het drie mansspanne en twee vroue spanne ingeskryf.
Die vroue is Stienie Browne, Emmie Pelzer en Lazuya Serfontein en Magdel O’Donoghue, Toets van der Westhuizen en Dalena Reynecke.
Onder die drie mansspanne moet die span van die twee Proteas, Rudi Jacobs en George Lotter saam met Jaco Nel beslis een van die gunstelinge wees. Die ander twee spanne is Trevor Wright, Nico Uys en Ernst Barnard en Dries Delport, Deon Reynecke en Raymond Laubser.
