Nou’s dit semi-finaal vir o.14’s

Parys het dit gedoen! Die o.14-rugbyspan van Hoërskool Parys is deur na die semi-finaal van die Beeld-trofee vir Middelskole.
Dit volg nadat Parys Hoërskool President Saterdag geklop het op Parys se tuisveld. Dit was ’n  spannende wedstryd met die telbord wat teen halftyd nog leeg was. Kort voor die eindfluitjie geblaas het, het Parys die bordjies verhang om die voortou te neem en uiteindelik te wen met ’n  telling van 10-7.  Die span gaan volgende week Zeerust toe vir die semi-finaal. Sterkte manne – Parys hou duim vas.
Parys se eerste span het met hart en siel op die veld gedraf en desondanks verbete pogings en baie harde rugby om punte te kry teen Carletonville, is die wedstryd in Carletonville se guns beslis met 25 punte vir die besoekers teenoor Parys se 15.
Dit was reeds die derde agtereenvolgende jaar dat Parys in die kwarteindstryd om die Beeld-trofee gespeel het, en boonop vanjaar met twee spanne.
Uitstekende prestasie vir beide spanne en die skool se afrigters. Ons is trots op julle!