Twee goues vir Parys

Twee van Parys rolbalklub se senior spelers, Lazuya Serfontein en Dries de Jager, het Sondag met die goue medaljes weggestap as Noordwes rolbal se senior meesterskampioene.
Lazuya het die eindstryd teen Gladys Yelland van La Farge redelik gemaklik gewen (21-10). Die ander twee vroue van die klub, Toets van der Westhuizen en Emmie Pelzer was minder gelukkig.
Dries de Jager het eers Vrydag gehoor hy word genooi nadat daar onttrekkings was. Hy het die kans behoorlik aangegryp en wen sy afdeling maklik met vier oorwinnings. Hy kom in die eindstryd te staan teen Jan Fourie van Klerksdorp wat sy afdeling met ‘n voltal gewen het. Die ander eindstryde was lankal verby toe veg die twee seniors nog. Dries wen uiteindelik met 21-17.
In die junior meesters het Strydom Chambers in sy afdeling net teen die kampioen, Jabu Nkosi van Potchefstroom-buiteklub verloor.