Fliek Vlooi: Ben-Hur
Ek gee Ben-Hur 5/10. Die eerste helfte van die fliek was uiters teleurstellend, uitgerek en baie vervelig. Dit is eers in die middel van die fliek dat dit begin goed raak. Ek moet sê as daar soveel moeite in die begin ingesit is soos aan die einde gesien kan word, sou die fliek dalk 10/10 gekry het.
Dié fliek is gebaseer op die verhaal wat in die Bybelse tyd afspeel van die jong prins van Jerusalem, Juda Ben-Hur (Jack Huston) en sy toksiese verhouding met sy aangenome broer Messala (Toby Kebbell).
Ben-Hur en Messala het ‘n baie hegte verhouding gehad as jong mans, maar dinge het baie verander nadat Messala die huis verlaat het om by die Romeinse weermag aan te sluit.
Toe Messala op ‘n dag terugkeer na Jerusalem, nou as ‘n Romeinse offisier, vra hy Ben-Hur se hulp om ‘n groep rebelle te identifiseer.
Toe Ben-Hur weier om sy mede Jode op te gee, word hy deur sy eie aangenome broer van verraad beskuldig, gestroop van sy titel en met geweld van sy vrou (Nazanin Boniadi), moeder en suster geskei.
Na etlike jare as ‘n slaaf op die skepe, bevind hy homself met ‘n geleentheid om wraak te neem op sy broer, die man wat sy lewe verwoes het.
Alhoewel die storie baie opwindend is, kon die fliek soveel beter gewees het.
Ek gee Ben-Hur 5/10. Die eerste helfte van die fliek was uiters teleurstellend, uitgerek en baie vervelig. Dit is eers in die middel van die fliek dat dit begin goed raak. Ek moet sê as daar soveel moeite in die begin ingesit is soos aan die einde gesien kan word, sou die fliek dalk 10/10 gekry het.
