Twee broers, Sean en Ruan van Pletzen, het die naweek in Ficksburg aan die Spur Skole bergfiets-reeks deelgeneem. Ten spyte daarvan dat Ruan siek was, het hy steeds 2de gekom in sy wedren. Sean het 11de geëindig. Ruan se wedrenpunte deur die reeks sover plaas Parys Primêre Skool nou 3de in die Vrystaat en Sean se punte het aan Hoërskool Parys ’n 5de plek tot dusver in die Vrystaat gegee. Punte word toegeken volgens posisie, met ander woorde 1ste plek 30 punte, 2de plek 20 punte, ensovoorts. Hoe meer deelnemers daar van ’n  skool is, hoe meer punte kry die skool.
Omdat dit net hulle twee is wat vir die Parys skole deelneem, plaas dit druk op hulle om goeie prestasies te lewer en die punte  hoog te hou. Hulle sal albei volgende week aan die Vrystaat-finaal in Welkom deelneem.