Hier word gewerk om reg te maak vir die myl
Onthou dat 'n gedeelte van Parys se hoofstraat vir die duur van die straatmyl Saterdag gesluit sal wees tussen 05:00 en 11:00.
Dit is die ene bedrywigheid in Parys om gereed te maak vir die dorp se gewilde straatmyl wat hierdie Saterdag aangebied word.
Vanoggend het ‘n span van die Ngwathe Plaaslike Munispaliteit gehelp om gate te vul in Parys se hoofstraat waar die straatmyl sal plaasvind.
Die eerste wedloop spring weg om 07:00.
Onthou dat ‘n gedeelte van Parys se hoofstraat vir die duur van die straatmyl Saterdag gesluit sal wees tussen 05:00 en 11:00.
Die wegspring en eindpunt van vanjaar se straatmyl is in Waterstraat by die Spur-ingang na die PnP-sentrum. Die roete het ‘n draaipunt by Plum Tree Restaurant.
Deelnemers aan die halfmyl spring ook in Waterstraat weg by die Spur-ingang na die PnP-sentrum, maar draai dan by die 400m merk.
Die straatmyl word aangebied deur Rotary Parys en Parys Info & Tourism. Vir navrae skakel (056) 811 4 000.