Só kan jy jou afval sorteer
Net ‘n beperkte aantal items in ons omgewing word herwin en verwyder, of verwerk. Dit laat ons met die geweldige dilemma dat ons strate en openbare terreine lyk soos wat dit nou lyk.
In vergelyking met Europese lande word slegs 10% van afval in Suid-Afrika verwerk. Maar wat behels droë en nat produksortering?
Droë produkte sal byna alle soorte papier, karton, boeke, gedrukte of wit papier, servette, sneesdoekies, koerante en vele meer insluit.
Jammer genoeg vorm verpakkingsmateriaal die grootste deel van die gemors op strate en sluit selofaan, sagte plastiek, plastiekbakkies, plastieksakke en borrelplastiek in. Glas word tans redelik herwin en sluit koeldrank-, drank, mayonnaise, tamatiesous en ander tipe souse, babakos en konfytbottels in.
Wanneer hierdie bottels vir herwinning gelewer word, moet dit verkieslik heel gelewer word.
Metaalhouers soos koeldrankblikkies, ingelegde vrugte en groente, konfythouers, aluminiumbakke, aluminiumfoelie en ander
verpakkingsmateriaal word ook herwin.
Al die genoemde produkte is deel van die droë produkte wat herwin en weer verwerk word.
Plastiek skoonmaakmiddelen wasmiddelhouers tel natuurlik ook onder herwinbare materiaal, maar dit is veral plastiekbottels vir onder meer melk, melkprodukte, koeldrank, kookolie en water wat die meeste versamel en verwerk word.
Moet ook nie vergeet dat plastiese lepels, messe en vurke, asook koffiehouers van polistireen wat herwinningswaarde het, verwerk
kan word as droë afval.
Hierbenewens word staal,motoronderdele, veselglas, speelgoed, CD houers en
houtafval by droë produkteingesluit. Selfs rekenaaren selfoontoerusting word onder droë afval gesorteer, terwyl motoronderdele soos die plastiese modderskerms, stampers en binne panele herwin en verwerk word.
Nat produkte sal omtrent alles insluit wat voedsel, tuinverwant of babadoeke, en sanitêre afval behels. Onthou om doeke apart
in ‘n plastiese sakkie toe te maak wanneer jy dit weggooi saam met ander vullis.
Meeste nat afval kan as kompos of sogenaamde black soil verwerk word, hoewel munisipale vullisverwyderingspersoneel
dit meestal na stortingsterreine neem.
Onthou ook dat jy nie medikasie wat jy nie meer gebruik of wat reeds verval het in ‘n asblik moet weggooi of in ‘n toilet moet afspoel nie.
Dit geld ook vir insulienspuite en spuitnaalde. Apteke het diensverskaffers wat mediese afval hanteer, en kan jy by jou apteker navraag doen of jy medikasie na die apteek kan bring vir veilige vernietiging.
