Die Noordwes Sambreelbrandvereniging het n ernstige waarskuwing gerig dat mense bedag sal wees op die hoë brandgevaar weens baie hoë temperature, droë toestande, lae humiditeit en sterk wind na groot skade weens brande in die Vredefort Koepel aan noordwes-kant.

N Huis en drie motors is gister in n brand verwoes aan noordwes-kant van die Koepel, en is mense opnuut gewaarsku om nie oop vure te maak, tuinvullis te brand of enige ander aktiwiteite te onderneem wat n brandgevaar kan inhou nie.

Verlede naweek is groot weidingskade ook in die Koepel aangerig weens brande in die omgewing van Schoemansdrift.