Local newsNews
Dertien beeste gekry danksy op-en-wakker polisielede
Die vier verdagtes sal voor die hof in Sasolburg verskyn.
Vier verdagtes tussen die ouderdom van 22 en 48 sal op aanklagte van veediefstal voor die hof verskyn nadat hulle Saterdagoggend deur Hoofweg patrollie-lede van die Fezile Dabi-dstrik in hegtenis geneem is.
Sers. Josephine Rani sé die polisielede was besig met roetine patrollie toe hulle ‘n wenk met ‘n beskrywing gekry het van ‘n vragmotor wat vermoedelik verbind kan word met veediefstal.
Die vragmotor is toe inderdaad op die R57 onderweg na Sasolburg opgemerk en voorgekeer.
Dertien beeste is agterin die vragmotor gekry en kon die vier verdagtes nie die nodige dokumentasie wys vir die beeste in hul besit nie.