Kom trek die grote nader met jou vliegstok
In 2019 het die klubbestuur die behoefte raakgesien om ook vlieghengel by die klub in te sluit omdat hier van die beste vlieghengel rivierstroke in die land is
Vereeniging-hengelklub hou Saterdag ‘n vlieghengelkompetisie by Bosrand net buite Parys, en ‘n ieder en elk is welkom om te kom lyn natmaak.
Inskrywings kos R50, en sluit middagete in. Kinders is ook welkom.
Belangstellendes wat wil deelneem kan Corné van der Schyff kontak per WhatsApp by 082 562 4767. Besprekings is noodsaaklik omdat daar net ‘n beperkte hoeveelheid plekke beskikbaar is.
Die Vereeniging-hengelklub is in 1952 gestig, en het na ‘n paar jaar die plaas Bosrand langs die S254 gekoop met die gedagte dat lede hier hul vernuf agter die stokke kan kom wys. Om by Bosrand te kom, volg die R59 Parys/Vredefort-pad en draai regs op die S254 net na Vaal de Grace. Die ingang is direk langs Tjirp Wedding Venue.
Die klub is tans die grootste hengelklub in Gauteng.
In 2019 het die klubbestuur die behoefte raakgesien om ook vlieghengel by die klub in te sluit omdat hier van die beste vlieghengel rivierstroke in die land is. As jy lief is vir hengel, maak seker jy mis nie die naweek se hengelkompetisie nie.
