Drie mense is op die toneel dood en ‘n vierde het in die hospitaal gesterf nadat ‘n bakkie waarop mense agterop die bakkie vervoer is, vroeër vanmiddag op die R723 Parys/Koppiespad gerol het.

Vyf  persone is in ‘n kritieke toestand per ambulans van die toneel vervoer en oorgeplaas na n Bloemfonteinse hospitaal, terwyl drie pasiënte in die Parys hospitaal opgeneem is.

Geen ander voertuie was in die botsing betrokke nie.

Die oorsaak van die ongeluk is nog nie bekend nie.

Na wat verneem is, is die insittendes van Vredefort en Viljoenskroon afkomstig en was onderweg na Koppies.

Die pad was na die ongeluk gesluit vir verkeer, maar is  voor 18:00 weer oopgestel.