Maatskaplike werkers van Vrystaat Versorging in Aksie (VVA) Parys, het op Vrouedag 84 vroue bederf met ‘n gesellige damestee by in die kerksaal van die NG gemeente Parys-Oos.

Joan van Blommesteyn het by die geleentheid gesels oor, ”n Vrou se pad saam met God”. Sy is ook die skrywer van die boeke, Asem van die lam en Kisklere. 

Daar is getuienis gelewer deur Franci de Wet, met Estelle Rossouw wat as gaskunstenaar met haar sang luister aan die oggend se program gegee het.

Die grasvroue het gesorg vir ‘n prentjiemooi saal, met VVA wat ‘n ligte ete voorsien het.