Local newsNews
Udolpho kry ruim skenking van Orion Voortrekkers
Die Udolpho Rivierplaas se fasiliteite bied onder meer ook 'n unieke ossewakamp vir besoekers
![](https://images.caxton.co.za/wp-content/uploads/sites/116/2024/08/Orion-voortrekkers-e1722750475504-780x470.jpg)
Die FAK se Udolpho Rivierplaas buite Parys het ‘n ruim skenking van Orion Voortrekkers ontvang wat sal bydra om die prag oord se fasiliteite nog meer te verbeter. Bedoortreksels, handdoeke en groenterakke is deur dié Voortrekkers aan Udolpho oorhandig.
Corné Steyn, bestuurder van Udolpho Rivierplaas sê: “Die skenking beteken baie vir ons, want ons as Udolpho Rivierplaas het baie uitgawes om die plaas op standaard te hou en elke skenking wat ons ontvang, is sy gewig werd in goud! Maak nie saak hoe groot of klein nie, elke bietjie help om ons plek beter te maak sodat ons ons gaste gelukkig kan hou.”