Kommer oor honde vergiftiging op plase

Veeartse in Parys het die afgelope week gewaarsku dat ‘n skerp toename in honde vergiftiging veral op plase langs die Parys/Fochvillepad, die Kopjeskraal-omgewing, Weiveld-distrik, langs die R59 en naby Fochville gesien is. Dit is onseker watter gifmiddel gebruik is omdat die honde nie dieselfde simptome gehad het as wat gewoonlik met Temek (Two Step) vergiftiging gesien word nie Ongelukkig is die koste om te toets vir spesifieke toksines ook geweldig hoog.

In die afgelope drie weke is 14 honde wat gif ingekry het, dood, en nog vier is behandel en kon hetstel.
Dit is egter net die gevalle wat by Parys Dierehospitaal aangemeld is. Daar is nie by een van die gevalle bekend, ingebreek nie, en ook geen spoor gekry van die gifmiddel, wat gebruik is nie Die honde het in bykans al die gevalle, met die uitsondering van een waar polonie met Temek gekry is, ‘n lang lyding gehad.
Simptome van vergiftiging wissel na gelang van watter gifstof ‘n dier sou inkry, maar kan insluit diarree, braking, skielike swakheid, of selfs rukkings.

Die beste raad is om die dier onmiddellik by jou naaste veearts te kry sou jy vermoed die dier het gif ingekry.

Jy kan geaktiveerde steenkool wat by apteke beskikbaar is as voorsorgmaatreël in geval van nood vir jou troeteldiere in die huis hou.

Die geaktiveerde steenkool help om die gif te absorbeer, en dan uit te skei. Dit help ook om opname van die gif in die dier se lyf te verminder, maar dit is steeds belangrik om dadelik professionele hulp te kry.