Die Ingenieursraad van Suid-Afrika se meriete-medalje vir die beste gegradueerde student uit al die ingenieursfakulteite van die Noordwes Universiteit se Potchefstroon-kampus die afgelope vier jaar, is aan ‘n oudleerder van Parys oorhandig.

Pieter Terre’Blanche was die afgelope vier jaar ook die Pukke se beste student in Rekenaar- en Elektroniese Ingenieurswese, en het benewens die meriete-medalje van die Ingenieursraad, ook die Siemens akademiese toekenning ontvang as beste student in sy fakulteit wat die graad voltooi het.

Pieter is ‘n oudleerder van Primêre skool Parys, en die seun van Muller en Gisella Terre’Blanche. Hy is tans besig met sy meestersgraadstudie.