Parys-rugbyspanne speel in kwartfinaal vir Noordvaal-trofee
Hoërskool Parys se o15, o16 en eerste rugbyspanne speel Saterdag, 27 Julie in die kwartfinaal vir die Noordvaal-trofee teen die wenners van die Pumas. Hoewel aldrie Parys se spanne verlede naweek in Benoni die knie moes buig voor Hoërskool Elspark in die finaal van die Valke afdeling 4-liga, het die skool ‘n uitsonderlike prestasie behaal …
Hoërskool Parys se o15, o16 en eerste rugbyspanne speel Saterdag, 27 Julie in die kwartfinaal vir die Noordvaal-trofee teen die wenners van die Pumas.
Hoewel aldrie Parys se spanne verlede naweek in Benoni die knie moes buig voor Hoërskool Elspark in die finaal van die Valke afdeling 4-liga, het die skool ‘n uitsonderlike prestasie behaal die seisoen met vier van sy spanne wat tot by die finaal gevorder het.
Die skool se tweede span het vroeër vanjaar reeds as ligawenners uit die stryd getree na hul wedstryd teen Hoërskool Belvedere.
Verlede naweek se wedstrydtellings was:
o15 – 17-24
o16 – 17-17
Eerste span – 14-21
Al het Parys se o16’s gelykop gespeel, het Hoërskool Elspark die eerste drie gedruk, en is daarom as ligawenners gekroon. Parys se o15’s word afgerig deur Johan Ströh, die o16’s deur Wiehan Viljoen, die tweede span deur Paul Grimbeek en die eerste span deur Roan de Milander.
