Drie leerders van Parys Primêre skool het die eer te beurt geval om gekies te word om hul land by ‘n internasionale tuimelgimnastiek-kompetisie te verteenwoordig wat van 8-12 Augustus in Mauritius gehou word.

Emile Kotze, Nicola Kotze, Emma Walsh en Jaydan Brazao het Saterdag 13 April aan die Mauritius-proewe deelgeneem, en het Emile, Emma en Jaydan gekwalifiseer om SAA (SA Aerialnastix) te gaan verteenwoordig by die internasionale kragmeting.

Hulle sal ook federasie kleure in tuimelgimnastiek ontvang.

Om hul deelname aan die kompetisie moontlik te maak het elkeen van die gimnaste ‘n donasiebrief ontvang sodat mense dié jong gimnaste kan ondersteun om hul droom om aan die kompetisie deel te neem, te bewaarheid. Borge wat ‘n bydrae wil maak is welkom om hul afrigter, Annemi Beukes, te skakel by 082 302 8200 vir meer inligting.