Steun vir blink planne soos dié eerder nodig as ‘n geldjie in die hand
Die grootste kommer is die effek wat die toename van haweloses op straat op misdaad het, maar om werklik die probleem aan te spreek is die hele gemeenskap se samewerking nodig,
Verskeie instansies in Parys gaan poog om kragte saam te snoer in ‘n poging om ‘n werkbare oplossing te probeer kry vir die groeiende probleem met haweloses in die dorp se strate.
Die gedagte is om ‘n plek van heenkome te probeer vind vir dié haweloses en terselfdertyd mense aan te moedig om bestaande voedingsinisiatiewe te ondersteun vir hulle in nood, eerder as om geld te gee aan hulle wat bedel op straat.
Omdat Parys ‘n toerismedorp is gee mense graag, maar in die proses dra dit by om die probleem te vererger, sê Braam Cilliers van MooiParys.
Hy sê verskeie mense uit die gemeenskap het die afgelope tyd na vore gekom met voorstelle en sal daar Vrydag, 15 Maart by die Rotary-klub byeen gekom word om te gesels oor moontlike oplossings om die probleem aan te spreek.
As jy positiewe voorstelle het laat weet Braam by 072 779 4079.
Die grootste kommer is die effek wat die toename van haweloses op straat op misdaad het, maar om werklik die probleem aan te spreek is die hele gemeenskap se samewerking nodig, sê Braam. Hy sê AfriForum het reeds hul steun vir die projek gegee om onder meer borde op te sit wat mense aanmoedig om eerder bestaande inisiatiewe te ondersteun soos Vrystaat Versorging in Aksie (VVA) se blink plan vir ‘n bord kos en skoner strate.
Hoe werk die VVA se koeponstelsel?
Vir twee weke lank is drie werkers hier geplaas wat onverpoosd geskoffel het, en die resultaat is merkwaardig.
