Dat hulle leef is net ‘n wonderwerk.

Dr. Barry van Wyk, leraar van die NG Wes-gemeente, sy vrou, Ina, ma Joey, en skoonma Dinkels, het Vrydag 17 November, ter nouer nood aan die dood ontkom, toe ‘n sleepwa van ‘n ander voertuig losgekom en hul voertuig getref het, 2km van die Delmas-afrit op die N4.

Ds. Barry-hulle was onderweg na Pretoria die oggend na ‘n 5 dae vakansie in Dullstroom. Sy motor is in die ongeluk afgeskryf, maar die genade was groot vir die predikantspaar en hul moeders met net ds. Barry se ma wat kneusings in die botsing opgedoen het.

“Ons is so dankbaar dat hulle so lig daarvan afgekom het. Dankie Here,” het dankbare gemeentelede gesê.