Dankbaar vir water en omgeemense
Met julle omgee, vriendelikheid en professionalisme laat julle ons uitsien na wonderlike jare vorentoe in Parys.
Ons het paar maande terug na Parys verhuis vanaf Rustenburg. Ons was terdeë bewus van Parys se waterkrisis en besluit om te boor vir water so góú moontlik. Ons het meenthuis in Boomstraat en het letterlik nèt 13mx6m tuin grond waar ons kon boor vir water.
Ons het die hartlikheid van Parys se mense leer ken deur Martin wat die water vir ons aangedui het op ‘n mespunt. Hy het dan ook voorgestel dat Lino vir ons boor.
Ons het goeie water gekry op 53m. Martin was paar keer deur die dag van die boordery by ons om te sien of water al raak geboor is uit WARE omgee. Lino en sy span was professioneel en het ons heeltyd op hoogte gehou van die onderskeie grondlae wat raak geboor is en wat elke grondlaag tov “water” beteken.
Ons het dan ook water raak geboor en was Lino en sy span saam met ons dankbaar en opgewonde al was die raak boor van water vir hulle “ou” nuus.
Baie dankie Martin en Lino. Met julle omgee, vriendelikheid en professionalisme laat julle ons uitsien na wonderlike jare vorentoe in Parys.
