Name van drie bekend wat sterf toe bakkie in rivier beland
Nooddienswerkers het vir ure gesukkel om die bakkie uit die water te kry
Die oorledenes was Rakometsi Lazarus Thithi (28), Prince Mako (33) en Money Mofokeng (37) het sers. Josephine Rani gesê.
Polisielede, reddingswekers en Prinsloo Recovery het net voor 14:00 Sondag 5 November, daarin geslaag om die Toyota Hilux bakkie uit die Wilgerrivier te haal.
Die drie insittendes was van Harrismith, en was onderweg terug na ‘n sokkerwedstryd. Hulle het van Frankfort in die rigting van Oranjeville gery toe die ongeluk gebeur het.
Die ongeluk was net na 01:00 Sondagoggend, en is polisieduikers van Bloemfontein en Welkom asook die polisie se K9 Soek- en reddingseenhede van Sasolburg en Welkom na die toneel ontbied waar vir ure gesukkel is om die voertuig uit die water te kry.
Die insittendes van die voertuig is op die toneel dood verklaar.
