Maak seker jy mis nie Woensdag 11 Oktober se straatmyl aksie in Parys se hoofstraat nie.
Die myl word weer deur Parys se Rotariërklub in samewerking met Parys Info & Tourism aangebied, en volg op die groot sukses van die eerste straatmyl vroeër vanjaar.
Die straatmyl is nie net baie gewild onder van die land se voorste atlete nie, maar ook vir besighede as ideale spanbou geleentheid, en vir die hele gesin – die kleinspan ingesluit.
Dit is ‘n ongelooflike feesatmosfees wat jy in Parys se hoofstraat sal kry vanaf 15:00 wanneer die eerste groep, die Rising Stars Boys and Girls, wegspring vir die halfmyl.
Photo: Christiaan Cloete
Die Elite Race vir dames en mans spring om 17:30 en 17:45 onderskeidelik weg.
Dit is die ideale geleentheid om die dorp se gasvryheid op sy beste te beleef wanneer mense deelnemers langs die pad sal aanmoedig.
Soos vroeër vanjaar is daar weer R50 000 in kontant in totaal op die spel, met die Elite Race wenners wat elkeen R10 000 huis toe neem
Boonop wag daar ‘n medalje vir elke deelnemer.
Onthou dat verkeer herlei sal word vir die duur van die straatmyl.
Kom kyk, kom ondersteun, kom neem deel!
