Venter (82) en Petra (79) van Wyk van Vredefort klim binnekort op die vliegtuig om ’n reis van 30 ure aan te pak om by hul dogter Annemarie de Lange en haar gesin in die omgewing van Winnipeg, Kanada, te gaan kuier.
Hulle sal 6 maande daar vertoef en keer weer op 13 Januarie terug wanneer daar ’n moontlike temperatuurverskil van by die 60 grade kan wees tussen Kanada en Suid Afrika.
Hulle beplan om hulle te vergewis van boerderyomstandighede in Kanada en sal mnr van Wyk sy skoonseun help met die mielie- en kanola-oes.
Die Van Wyks kom oorspronklik van die Oos-Kaap, Molteno se wêreld. Hul plaas se naam was Retreat. Dit is hier waar die Engelse in die Anglo-Boereoorlog verslaan is en hulle teruggetrek het in die Stormberge in. Vandaar die naam Retreat.