Plaaslike SAPD-lede skitter op die gholfbaan
Prestasies van ons plaaslike SAPD lede om op trots te wees
![](https://images.caxton.co.za/wp-content/uploads/sites/116/2023/09/gielie1-e1694164768819-780x470.jpg)
A.o. Gielie Strauss van Parys SAPD, en ao. Jaco Smit van Vredefort SAPD was deel van die Noord-Vrystaat A-span wat die spankompetisie van vanjaar se Vrystaat SAPD gholfkampioenskap gewen het. Die kampioenskap is 13 en 14 Junie in Parys op die Vaal de Grace en Parys Golf & Country Estate bane beslis.
Gielie behaal boonop ook ‘n verdere prestasie toe hy as ‘Stroke Play’ kampioen vir die Vrystaat aangewys is. Hy is daarna ingesluit in die Vrystaat SAPD-span wat van 27-31 Augustus aan die nasionale kampioenskap in Plettenbergbaai in die Wes-Kaap deelgeneem het.
Tydens diĆ© kampioenskap verower die Vrystaat-span ‘n silwermedalje met die Wes-Kaap-span wat as wenner gekroon is.
By die nasionale kampioenskap eindig Gielie vierde in die ‘Stroke Play’ en word hy ingesluit in die SAPD nasionale gholfspan wat in 2024 teen die onderskeie provinsiale spanne sal speel.