Die liggaam van die 29-jarige man wat sedert Saterdag vermis was, is vanoggend net duskant die 1919-hangbrug in Parys in die Vaalrivier gekry deur a.o. Holtzhauzen en die soek- en reddingshond, Bennie, van die SAPD se K9 Soek-en Reddingseenheid in Sasolburg.
Daar is sedert die naweek na die man gesoek en het duikers van Welkom en Bloemfontein saam met Parys Speurtak en a.o. Holtzhausen, onder leiding van speur a.o. Hunter ook vroeër vandeesweek ‘n grootskaalse soektog na die man in die Vaalrivier geloods nadat vermoed is dat die man hier by die hangbrug verdrink het.
Die foto is vroeër vandeesweek geneem tydens ‘n grootskaalse soektog na die vermiste man in die Vaalrivier by die hangbrug in Parys. Voor is die ondersoekbeampte speur a.o Hunter saam met a.o Kuhn van die SAPD se duikeenheid in Bloemfontein.
A.o. Holtzhausen en die soek-en-reddingshond Bennie, wat vanoggend die liggaam gekry het.
