Boom vat kraglyne saam met die val

Saterdag se wind wat ‘n spoed van 35 km/h in Parys gemeet het, het ‘n boom in Reuniestraat naby Parys se sakekern omgewaai. Met die val het dit van die oorhoofse kraglyne afgeruk. Danksy hulp van die Working on Fire span is die boom opgesaag, en uit die pad verwyder. Ngwathe se tegniese personeel was vinnig daar om herstelwerk te doen, terwyl Parys Medix en rdl. Marinda Matthysen-Engelbrecht ook gehelp het op die toneel.