Die grasdaklapa van Johan en Sandra van Huyssteen in Eerstelaan 26 het Dinsdagoggend net voor 05:00 aan die brand geraak en tot op die grond afgebrand.
Ryno Lindeque van die We Care WhatsApp-groep vertel dat hy ’n slag gehoor en die rook gesien het, minute voor 05:00. Hy het dadelik hulp op die Whatsapp-groep gevra.
Binne minute was sowat 10 vrywilligers van die groep op die toneel en is daar saam met die brandweer gehelp om die brand onder beheer te bring.
Desondanks die skade aan die lapa is daar geen skade aan die woning self of naburige eiendom nie.
Die slag wat gehoor is was toe die gasbottel in die lapa ontplof het as gevolg van die hitte. Die egpaar bedank almal wat so vinnig gereageer het om te help.
*Verlede week was daar nóg ’n huisbrand in Parys in Heapstraat.