Almoné Pretorius, PC Steyn, WC Stemmet, Wian Pretorius en Zuhan Siecker, almal van Parys, is deur Spur gekies om gister saam met die Springbokke uit te draf.
Spur Steak Ranches in samewerking met die Springbok Supporters’ Club, het die regte bekom vir die vlagdraers by al die plaaslike internasionale rugby toetswedstryde. Die kompetisie gee 20 seuns en dogters tussen die ouderdom van 8 en 12 jaar die kans om die vlagdraers op die veld te wees wanneer die nasionale volkslied gesing word sodra die span op die veld is.
