Rex, die skaaphond van Potchestroom wat getrou by sy eienaar die 84-jarige Nic Pieters, se bed gewaak het totdat nooddienste hom kom haal het, het uiteindelik ‘n nuwe tuiste gekry.

Rex se verhaal het die hele land aangegryp en is daar na die dood van Pieters na ‘n nuwe tuiste vir Rex gesoek.  Deesdae bly hy by die see by sy nuwe eienaar, Thys Carstens van Witsand in die Wes-Kaap. Rex is op 15 Junie per vliegtuig na George geneem.

Met Pieters se dood moes die Potchefstroom Animal Welfare Society (PAWS) help om  Rex van sy eienaar te skei terwyl ER24 nooddienste vir Pieters hospitaal toe geneem het. Pieters is later oorlede.