’n Man in sy twintigerjare is Dinsdag deur die polisie in hegtenis geneem op ’n klag van besit van vermoedelik gesteelde eiendom, nadat koper kabel in ’n erf gekry is. Die arrestasie is gemaak nadat inligting van ’n lid van die publiek gekry is.
Ná aanleiding van die arrestasie word weer ’n baie ernstige beroep op inwoners gedoen om asseblief enige inligting oor verdagte voorwerpe, persone of voertuie in jou omgewing sonder versuim te rapporteer by die polisiestasie by (056) 816 1516/9 of Parys Sekuriteit by (056) 817 6030 of Landelike Gemeenskap Veiligheid by 076 683 4544.
Geen inligting is ooit waardeloos nie en help om misdaad die hok te slaan wat tans kommerwekkend hoog is in Parys.
Inbrake by huise en besighede sowel as die diefstal van oorhoofse elektriese kabel is van die grootste kopsere waarmee die plaaslike polisie daagliks te doen het.
