![](https://images.caxton.co.za/wp-content/uploads/sites/116/2023/05/ferdie-foto6-780x470.jpg)
Parys het ‘n sopnat en koue naweek gehad . Temperature vir die res van die week is ook in die lae twintigs met ysige temperature van onder 20 grade maksimum wat vir die komende naweek voorspel word.
Parys se reënvalsyfer vir Mei tot vanoggend om 08:00 staan reeds op 42mm. Maar dit is nie ongewoon om reën in Mei in Parys te kry nie. Verlede jaar is in totaal vir Mei 46mm reën in die dorp gemeet
So lyk ons reënvalsyfer sover vir die jaar:
April – 39mm
Maart – 56mm
Februarie – 278 mm
Januarie – 18mm
Desember – 240mm
Wintertyd is kosmos-tyd ook in die Parys-omgewing. Die uitsonderlike mooi kosmos-foto is geneem langs die Vredefort-pad deur Ferdie Jordaan, ‘n inwoner van Parys. Ferdie het die foto laatmiddag afgeneem vir die beste effek. Kosmos is ‘n uitheemse plant en is gelys as ‘n uitheemse indringer. Saaiboere beskou dit as ‘n pes in mielielande. Sy botaniese naam is Cosmos bipinnatus. Die plant se oorsprong is waarskynlik Mexico.