Hoe bonter hoe beter vir dié handjies wat moet besig bly
Kom brei of hekel saam en help om 'n glimlaggie op 'n kindergesigge te sit.
Hierdie is geen gewone slange of kubusse nie. Dit is bedoel vir handjies wat besig moet bly, wat moet vat en voel en so gestimuleer moet word.
Wil jy nie jou breinaalde of hekelpen afstof en help nie? Hoe meer kleurvol en hoe meer liefde jy kan inwerk met elke steek, hoe beter, want gedurende Februarie/Maart word daar gebrei of gehekel aan dié kleurvolle sensoriese aktiwiteitskubusse en slange.vir die Situla Campus.
Jy kan met enige wol of gare werk, maar verkieslik helder kleure, want onthou dit is vir kinders.
Die afsnydatum is 31 Maart wanneer jy jou bydrae vir die projek moet afgee of courier na Anna Patat in Breëstraat, Parys.
Dit is so maklik. Al wat nodig is, is ses 10 x 10cm blokke wat jy dan aanmekaar werk en stop , met hekelsteke soos bean, bread, berry, loop, chain, cable ribbing, alphone of Waffle (sensories).