Daar sal om 10:00 vanoggend, Saterdag 25 Februarie nog 2 sluise by Vaaldam toegemaak word. Dit sal beteken dat daar dan nog 8 sluise oop is.
Invloei by Vaaldam is tans 713,38 kubieke meter per sekonde en uitvloei teen 1758,37 kubieke meter per sekonde. Vaaldam is nou 113,71% vol.
Bloemhofdam staan op 109,81% met uivloei tans teen 3 808,9 kubieke meter per sekonde. Uitvloei by Bloemhof sal vandag om 09:00 verminder word na 3 600 kubieke meter per sekonde, en om 12:00 nog verder verminder word na 3 400 kubieke meter per sekonde. Om 15:00 vanmiddag sal die vloei weer by Bloemhof verlaag word na 3 200 kubieke meter per sekonde.
