Dinsdag 27 Desember sal ook vanjaar ‘n openbare vakansiedag wees. Die aankondiging is vandag gemaak. Die rede hiervoor is omdat Kersfees vanjaar op ‘n Sondag val, en die aankondiging genoodsaak het om in lyn met die beginsels en praktyke van die arbeidswet te wees. Die wet bepaal dat wanneer ‘n openbare vakansiedag op ‘n Sondag val, die Maandag dan ‘n vakansiedag sal wees.

Met Kersfees wat vanjaar op ‘n Sondag is en Welwillendheidsdag 26 Desember wat dan op ‘n Maandag val, beteken dit dat werkers nie 12 betaalde vakansiedae sou hê vanjaar nie. Gevolglik is die besluit geneem om  Dinsdag 27 Desember ‘n openbare vakansiedag vir 2022 te verklaar.